jejegipun negoro patang perkoro
Nomer siji nganggo ilmune ulama’
Nomer loro adile pemangku kuwoso
Nomer telu wong kang sugeh kerso lumo
Nomer papat wong kang fekir ahli ndungo
Papat mau syarat jejeg e negoro
Mugi mugi kito tebih ing rubido
Tentrem ayem adoh saking sambikolo
Panutane wes arupo bondo ndunyo
Ninggalake Qur’an hadist lan agomo
Ora nurut pituture wong tuo
Ngalor ngidul luru amplop adol sworo
Becik ketitik olo ketoro
Laku becik bakale mlebu suwargo
Laku olo uripe rekoso
Adoh menungso lan adoh sing kuwoso
Wes bener tenan dawuh e poro ulama’
Kang kepencut kedudukan bondo ndunyo
Mesti ancik ancik pundak e wong liyo
Laku dzolim serto goroh podo bongso
Wes podo lali ora podo rumongso
Tumindak duso iku bakale di sikso
Sikso ndunyo ora dadi ngopo
Sikso akhirat bakal mlebu neroko
